MANILA, Philippines – Inanunsyo ng Bank of the Philippine Islands (BPI) ang pansamantalang hindi paggamit ng ilang serbisyo sa kanilang card sa katapusan ng linggo.
Ito ay dahil sa isasagawang maintenance schedule sa mga piling oras mula Sabado hanggang Lunes.
Sa isang advisory, sinabi ng BPI na hindi magagamit ang mga serbisyo ng card mula 11 p.m. sa Sabado, Hunyo 22, 2024, hanggang 10 a.m. sa Linggo, Hunyo 23, 2024 at mula 11 p.m. sa Linggo hanggang 8 a.m. sa Lunes, Hunyo 24, 2024.
“Hindi mo magagamit ang iyong BPI Debit Card, BPI Credit Card, at BPI Prepaid Card para sa mga in-store at online na pagbili sa panahon ng aming aktibidad sa pagpapanatili ng system,” saad sa advisory.
Gayunpaman, sinabi nito na ang BPI Credit at Prepaid Cards ay magiging available sa Hunyo 23 at 24 simula 6 a.m. RNT
