MANILA, Philippines- Hangad ni Pangulong Ferdinand Marcos Jr., na makumpleto ang urban development ng Pasig River na nakatuon sa functional improvement at revitalization ng lugar sa loob ng tatlong taon.
Sa naging talumpati ng Pangulo sa isinagawang inagurasyon ng Phase 1C ng Pasig River Urban Development Project (PRUDP), sinabi ni Pangulong Marcos na ang proyekto ay naglalayon na gawin ang Pasig River na tulad ng tanyag na waterways ng Seine sa Paris at Thames sa London.
“Rest assured that apart from our enthusiasm and optimism, the First Lady and I will provide our all-out support and commitment to the completion of this project, and hopefully in three years’ time, that will be our goal,” ayon sa Pangulo.
Ang naging talumpati ng Pangulo ay matapos na makumpleto ang 500-meter showcase area ng PRUDP’s Manila Old Downtown Segment, na may 250-meter development na kumokonekta sa umiiral na ‘esplanada’ mula sa Jones Bridge to Plaza Mexico at Fort Santiago sa Intramuros.
Ang Phase 1C ay may functional development, na kinabibilangan ng pedestrian-friendly infrastructure, commercial zones, at green spaces. Sakop din nito ang leasable stalls, walkways, bike lands, at isang boardwalk.
Target namang gamitan ang istruktura ng proyekto ng renewable energy, at isulong ang ecological practices na nakalinya sa environmental protection at conservation strategies.
“Bringing the Pasig River back to life mirrors our ongoing journey towards a brighter future for our country. How well we do here will reflect our efforts in other areas of the country and how successful we are at improving and leaving the country a better place than we found it,” ang sinabi ni Pangulong Marcos.
Samantala, pinangunahan ni Pangulong Marcos at ni Unang Ginang Louise “Liza” Araneta-Marcos ang inagurasyon ng 500-meter showcase area noong Enero bahagi ng multi-agency urban renewal project na pinangunahan ng Inter-Agency Council for the Pasig River Urban Development. Kris Jose
