CAMARINES SUR- NASAMSAM ng mga awtoridad ang P442,000 halaga ng hinihinalang shabu sa isinagawang buy-bust operation nitong Martes, Nobyembre 7 sa Iriga City.
Kinilala ni Lieutenant Colonel Maria Luisa Calubaquib, tagapagsalita ng Bicol-PNP, ang suspek sa pangalan “Totoy” sa Barangay San Agustin, Iriga City.
Batay sa report bandang 8:20 PM isinagawa ang operasyon laban sa suspek sa nasabing lugar at nakabili ang operatiba ng 65 gramo ng shabu at aabot sa halagang ₱442,000.
Sinabi ng pulisya na nasa listahan ng high-value individual sa lungsod ang suspek.
Kasalukuyang nakakulong sa Iriga City police station ang suspek at nahaharap sa kasong paglabag sa Comprehensive Dangerous Drugs Act of 2002. Mary Anne Sapico
