10 NPA na napatay sa N. Ecija, tukoy na lahat

MANILA, Philippines- Nakilala na ng mga awtoridad ang 10 miyembro ng NPA na napatay ng militar sa engkwentro sa Pantabangan, Nueva Ecija.

Ang engkwentro ay nangyari sa pagitan ng mga tauhan ng 84th Infantry Victorious Battalion at ng mga rebelde sa bulubunduking bahagi ng Barangay Malbang, Pantabangan nitong Miyerkules.

Base sa report ng 84IB kay BGen. Joseph Norwin Pasamonte, commander ng 703rd Infantry Brigade, ang mga napaslang ay sina:

1. Hilario “Ka Berting/Tonyo” Guiuo,
2. Harold “Ka Luzon” Menosa,
3. Marian “Ka Lunti” Castro,
4. Archie “Ka Soral/Teo” Arceta,
5. Asaze “Ka Shyla/Cha” Galang,
6. Pepito “Ka Dylan” Bautista,
7. Noel “Ka Eric/Tagumpay” Bedonia,
8. Noel “Ka Angel” Bedonia, Jr.,
9. Reynan “Ka Mel” Mendoza,
10. Angelika “Ka Molly” Villalon

Anim sa mga labi ang nakuha na ng kanilang mga pamilya at naiuwi na sa kanilang mga bayan.

Ang apat naman ay kasalukuyanng nasa isang punerarya sa Pantabangan at sumasailalim sa awtopsiya at isinasaayos ang mga labi.

Sa ngayon, patuloy pa rin ang presensya ng militar at pulisya sa lugar kung saan nangyari ang engkwentro.

Unti-unti na ring bumabalik sa normal ang sitwasyon ng mga residente sa lugar. Marina G. Bernardino