MANILA, Philippines – Tinanggal sa pwesto ang dalawang pulis na umano’y nangha-haras at nagbanta sa mga reporter na nagko-cover ng alitan sa lupa sa Leyte noong Biyernes.
Kinilala ng Leyte Police Provincial Office nitong Sabado ang mga pulis na sina Police Staff Sergeant Rhea May Baleos at asawa nitong si Police Staff Sergeant Ver Baleos.
Sina Rhea Baleos at Ver Baleos ay dating nakatalaga sa Sta. Fe Municipal Police Station at Pastrana Municipal Police Station, ayon sa pagkakasunod.
Ang utos ay inilabas ni Leyte Police officer-in-charge, Lieutenant Colonel Ricky Reli, na nag-reassign sa kanila sa provincial headquarters habang nagpapatuloy ang imbestigasyon.
Ibinalik ng mag-asawa ang kanilang mga baril, kasama si Ver Baleos at ang kanyang mga baril ay nakatakdang sumailalim sa isang gun powder residue examination.
Nangyari ang insidente habang kinapanayam ng San Juanico TV reporters na sina Sianosa, Lito Bagunas, at Ted Tomas ang mga magsasaka sa Barangay Jones sa bayan ng Pastrana bandang 9:30 ng umaga noong Biyernes.
Ipinangako ni Pastrana Police acting chief Police Major Darwin Dalde na magiging patas ang imbestigasyon.
“Inimbestigahan pa namin ang nasabing insidente, and rest assured na hindi kami magiging bias sa aming imbestigasyon, at kung mapapatunayan [na] na talagang ginawa ng aming mga tauhan ang lahat ng akusasyon, hindi kukunsintihin ng aming Opisina ang ganitong maling pag-uugali,” pagsisiguro niya.
Nauna rito, hiniling ng Presidential Task Force on Media Security (PTFoMS) sa PNP Eastern Visayas “na agarang imbestigahan, at kung kinakailangan, magpataw ng disciplinary action, sa ilang miyembro ng Pastrana Police Office sa lalawigan ng Leyte.” RNT
