MANILA, Philippines – Dalawa katao ang nasawi at lima ang sugatan sa banggaan ng tanker at bus sa Maharlika Highway sa Barangay Flordeliz, Milaor, Camarines Sur nitong Huwebes ng umaga, Hunyo 13.
Ayon kay Police Lt. Col. Malu Calubaquib, spokesperson ng Police Regional Office- 5, kinilala ang isa sa mga nasawi na si Reynaldo Geronilla, 55, ng Barangay Villa Flores, Santa Fe, Nueva Vizcaya.
“The driver of the tanker truck fell on the middle of the road which caused his instantaneous death while one of the passengers of the bus also died on the spot and multiple wounded persons were brought by the responding MDRRMO ambulance to the nearest hospital,” sinabi ni Calubaquib.
Sa impormasyon, ang tanker ay bumibiyahe mula San Fernando, Camarines Sur patungong Albay nang makabangga ang isang Philtranco bus.
Nagpapatuloy ang imbestigasyon sa insidente. RNT/JGC
