20 sites para sa mall voting target ng Comelec

MANILA, Philippines – Sinabi ng Commission on Elections (Comelec) na nakikipag-ugnayan sila sa mga operator para magtatag ng voting sites sa humigit-kumulang 20 malls sa buong bansa para sa barangay at Sangguniang Kabataan polls sa Oktubre.

“Most of the malls that we are engaged are large ones that we have. There are around 20 all over the country and hoping we would increase the number in the coming months,” ani Comelec spokesperson Rex Laudiangco sa CNN Philippines.

Inaasahan ng poll body na mapataas ang bilang ng mga site sa 50 sa panahon ng midterm elections sa 2025.

Samantala, sinabi ni Laudiangco na ganap na handa ang Comelec para sa barangay-level na botohan.

Humigit-kumulang 92 milyong balota ang naimprenta na, aniya.

Ang natitirang gawain ng Comelec ay ipamahagi ang mga ito kasama ang iba pang mga election paraphernalia sa mga rehiyon, gayundin ang mga guro at iba pang tauhan na magsisilbing electoral board members sa Oktubre 30. RNT