Home NATIONWIDE 2024 edition ng Tolentino-led PH ROTC Games, simula na

2024 edition ng Tolentino-led PH ROTC Games, simula na

ROTC Games 2024 - Pinirmahan ni Sen. Francis "Tol" Tolentino (ikatlo mula kaliwa), honorary chairman ng ROTC Games 2024 ang Memorandum of Agreement (MOA) kasama sina DND Secretary Gilbert Teodoro, CHED chairman Prospero de Vera at AFP chief of staff Romeo Brawner sa isang seremonyang ginanap sa Camp Aguinaldo, bilang paglulunsad sa ROTC Games 2024. Wala sa larawan ang mga opisyal ng PSC..

QUEZON CITY — Opisyal na sinimulan nitong Lunes ang ikalawang edisyon ng Philippine Reserve Officers’ Training Corps (ROTC) Games (PRG) na itinatag ni Senator Francis “Tol” Tolentino sa pamamagitan ng paglagda sa isang memorandum of agreement sa Tejeros Hall sa Camp Aguinaldo.

Tiwala si Senador Tolentino na ang PRG sa loob ng 50 taon ay magiging makabuluhang sandali sa kasaysayan ng Armed Forces at ROTC.

Sinabi rin niya na ang PRG 2024 ay magiging daan para mai-develop ang kabataang Pilipino sa kanilang kontribusyon sa kasaysayan ng bansa.

“Nababanaag ko na po na ito ay magiging tagumpay sa paghubog ng kabataang Pilipinong disiplinado, mapagmahal sa bayan,” sabi ni Sen. Tol.

Ang nasabing pagpirma sa MOA ay sinamahan nina Department of National Defense (DND) Secretary Gilbert Teodoro, Armed Forces of the Philippines (AFP) chief of staff Romeo Brawner Jr., Commission on Higher Education (CHED) chairman Dr. Prospero de Vera, Department of Interior at Local Government (DILG) assistant secretary Rolando C. Puno, at Philippine Sports Commission (PSC) executive director Paulo Francisco Tatad.

Sinabi ni AFP chief Brawner na ang nasabing palaro ay magbibigay ng mahahalagang aral na huhubog sa kabataang Pilipino upang maging mga lider sa hinaharap.

Sinang-ayunan naman ito ni CHED chairman De Vera na nagsabing ang ROTC Games ay pagpapakita, hindi lamang ng pisikal na lakas, kundi maging ng halaga ng mga magiging tagapagtanggol ng ating bansa.

Samantala, binigyang-diin ni DND Secretary Teodoro kung paano ang PRG ay isang epektibong kasangkapan na maaaring magbigay ng interes sa kabataan para sa pakikipagsapalaran na makatutulong sa bansa.

Ang inaugural edition ng PRG noong 2023 ay nilahukan ng 3,090 ROTC-cadet athletes sa buong bansa. RNT

Previous articleManifesto vs People’s Initiatives, inilabas ng Senado
Next articleBong Go: Voter’s registration, ‘wag ikompromiso