21 bagong kardinal pinangalanan ni Pope Francis

MANILA, Philippines- Inanunsyo ni Pope Francis nitong Linggo na kanyang itataas ng ranggong cardinal ang 21 churchmen na magmamarka sa grupo na balang araw pipili ng kanyang kahalili pagkatapos ng kanyang pagbibitiw o sa oras na pumanaw siya.

Ang seremonya ng pagluklok sa kanila na kilala bilang consistory, ay gaganapin sa Setyembre 30, inihayag ng 86-anyos na si Francis sa kanyang noon prayer sa mga peregrino at turista sa St. Peter’s Square.

Labing-walo sa mga churchmen ay wala pang 80 taong gulang at maaaring pumasok sa isang conclave upang pumili ng susunod na papa. Ang tatlo pa, na higit sa 80-anyos at masyadong matanda para bumoto sa isang conclave, ay pinangalanan upang pasalamatan sila sa kanilang mahabang paglilingkod sa Simbahan.

Ang bagong Cardinal Electors na 80 pababa ay sina:

• Archbishop Robert Prevost, American, Vatican official, head ng Dicastery for Bishops

• Archbishop Claudio Gugerotti, Italian, Vatican official, head ng Dicastery for the Eastern Churches

• Archbishop Víctor Fernández, Argentine, Vatican official, head ng Dicastery for the Doctrine of the Faith

• Archbishop Emil Tscherrig, Swiss, Vatican ambassador to Italy

• Archbishop Christophe Pierre, French, Vatican ambassador to the United States

• Archbishop Pierbattista Pizzaballa, Italian, Latin Patriarch of Jerusalem

• Archbishop Stephen Brislin, South African, Archbishop of Cape Town

• Archbishop Ángel Rossi, Argentine, Archbishop of Córdoba

• Archbishop Luis Aparicio, Colombian, Archbishop of Bogotá

• Archbishop Grzegorz Rys, Polish, Archbishop of Lodz

• Archbishop Stephen Mulla, Sudanese, Archbishop of Juba, South Sudan

• Archbishop José Cano, Spanish, Archbishop of Madrid

• Archbishop Protase Rugambwa, Tanzanian, Archbishop of Tabora

• Bishop Sebastian Francis, Malaysian, Bishop of Penang

• Bishop Stephen Chow Sau-Yan, Bishop of Hong Kong

• Archbishop François-Xavier Bustillo, Spanish-French, Bishop of Ajaccio, Corsica

• Bishop Américo Alves Aguiar, Portuguese, Auxiliary Bishop of Lisbon

• Father Ángel Fernández Artime, Spanish, head of the Salesian order

Higit sa 80 at hindi na pasok sa conclave:

• Archbishop Agostino Marchetto, Italian, dating Vatican diplomat

• Archbishop Diego Padrón Sánchez, Venezuelan, Archbishop Emeritus of Cumaná

• Father Luis Dri, Argentine priest

Ang lahat ng mga kardinal, anuman ang kanilang edad, ay pinahihintulutang makilahok sa mga pulong bago ang conclave na kilala bilang Pangkalahatang Kongregasyon, na nagbibigay sa kanila ng pasya na sa tingin nila ay dapat piliin ng kanilang mga nakababatang kapatid na kardinal.

Ang bagong cardinals ay mula sa mga bansang United States, Italy, Argentina, South Africa, Spain, Colombia, South Sudan, Hong Kong, Poland, Malaysia, Tanzania, at Portugal.

Tatlo sa mga bagong cardinal ay pinangalanan kamakailan bilang mga pinuno ng mga pangunahing departamento ng Vatican, kabilang ang Arsobispo ng Argentina na si Victor Manuel Fernandez, pinuno ng departamento ng doktrina ng Vatican.

Ang isa pang makabuluhang appointment ay ang kay Bishop Stephen Chow Sau-Yan ng Hong Kong. Si Chow ay isa sa mga pangunahing link sa Simbahang Katoliko sa komunistang Tsina, kung saan sinusubukan ng Vatican na mapabuti ang mga kondisyon para sa mga Katoliko. Jocelyn Tabangcura-Domenden