MANILA, Philippines – Sa edad na 24-anyos ay instant milyonaryo agad ang isang mananaya mula sa Pasig City matapos na masolo ang Mega Lotto 6/45 jackpot na nagkakahalaga ng P42,900,615.40 noong July 17 evening draw.
Nagawa niyang matumbok ang winning combinations na 31-13-10-37-34-18.
Sinabi ng nanalo sa PCSO na ang mga nanalong numero ay kumbinasyon ng mga petsa ng kapanganakan at edad ng kanyang mga miyembro ng pamilya.
Samantala, ipinaalam ng nanalo sa PCSO na “undecided” pa rin siya kung paano gagastusin ang pera.
Sinabi ng nanalo sa PCSO na nagsimula ang kanyang interes sa paglalaro ng lottery noong siya ay 20 taong gulang, dahil hiniling sa kanya ng kanyang ina na tumaya para sa kanya.
“Tuwang tuwa si mama kasi natupad ko ang pangarap niyang jackpot,” aniya pa. RNT
