MANILA, Philippines – Binisita ni Senadora Imee R. Marcos ang Pateros at Taguig City upang mamahagi ng tulong-pinansyal sa ilalim ng Assistance to Individuals in Crisis Situations (AICS) Payout ngayong Martes, September 19.
Isanlibong residente ng Pateros ang nakatanggap ng ₱3,000 cash assistance para sa kanilang mga pamilya.
Sa Taguig City, dalawang libong (2,000) solo parents ng Taguig City ang nabahaginan din ng ₱3,000 bawat isa mula sa programang AICS ng ahensya ng DSWD.
Sa dalawang lugar na pinuntahan, may dalang mga Nutribun at mga laruan ang senadora para sa mga kabataan na kasama ng mga benepisyaryo. RNT
