MANILA, Philippines- Nagsagawa ang naval vessels ng Pilipinas, Canada, Japan, at ng United States ng ikalawang multilateral maritime cooperative activity (MMCA) sa West Philippine Sea (WPS), ayon sa Armed Forces of the Philippines (AFP) nitong Martes.
Sinabi ni AFP public affairs office chief Col. Xerxes Trinidad na naging matagumpay ang kolaborasyon ng warships mula sa Philippine Navy, US Navy, Japan Maritime Self-Defense Forces (JMSDF), at Royal Canadian Navy noong Hunyo 16 sa MMCA.
“The multilateral operation included the AFP’s Gregorio del Pilar-class patrol ship BRP Andres Bonifacio (PS-17), the US Navy Arleigh Burke-class guided-missile destroyer USS Ralph Johnson (DDG-114), the Japan Maritime Self-Defense Force (JMSDF) ‘Murasame’-class destroyer JS Kirisame (DD-104), and the Royal Canadian Navy Halifax-class frigate HMCS Montreal (FFH-336),” dagdag ng opisyal.
Samantala, binanggit ni AFP chief Gen. Romeo Brawner Jr. na itinatampok sa exercise ang commitment ng AFP at mga kaalyado nito sa pagpapanatili ng kapayapaan at seguridad sa Indo-Pacific Region.
“This collaboration enhances our capabilities and interoperability with allies and partners, enabling us to effectively address common maritime challenges and demonstrate our shared dedication to upholding international law and the rules-based international order, as well as ensuring a free and open Indo-Pacific,” patuloy niya.
Naganap ang unang MMCA noong Abril na nilahukan ng PN, US Navy, Royal Australian Navy, at ng JMSDF. RNT/SA
