MANILA, Philippines- Dineport ng Bureau of Immigration nitong Miyerkules ang apat na Japanese nationals na wanted sa pagnanakaw sa kanilang bansa.
Batay sa BI, naaresto sina Fujita Kairi at Kumai Hitomi ng mga operatiba ng Fugitive Search Unit nitong March 10 sa Paranaque City.
Sinabi ng Immigration Bureau na pinaghihinalaang sangkot ang dalawa sa kontrobersyal na “Luffy” case sa Japan.
Samantala, nahuli naman si Terashima Haruma noong February 28 sa BI satellite office sa Taguig matapos tangkaing i-extend ang tourist visa habang si Sato Shohei ay nadakip noong April 24 sa Pasay City.
Sinabi ng ahensya na kabilang ang apat sa blacklist ng BI. JAY Reyes
