DELFIN ALBANO – Limang hinihinalang drug personality o mga adik kabilang ang dalawang menor de edad ang nahuli sa isinagawang drug buy-bust operation sa umano’y drug den sa Barangay Ragan Sur, Delfin Albano, Isabela.
Kinilala ang mga nadakip na sina Emerson Pazzibugan, 19 anyos at residente ng Ragan Sur, Delfin Albano; John Russel Saguing, residente ng Ugad, Cabagan, Isabela at Janmark Pazzibugan, residente ng Annafunan, Tumauini, Isabela.
Ang dalawang menor de edad ay ipinasakamay sa Municipal Social Welfare and Development Officer o MSWDO para counseling at debriefing.
Nasamsam sa mga pinaghihinalaan ang 805 gramo ng pinatuyong dahon ng marijuana na may market value na P96,600, ilang drug paraphernalia, apat na unit ng cellphone at buy-bust money.
Agad na sinampahan ang mga suspek sa paglabag sa Republic act 9165 o Comprehensive Dangerous Drugs Act of 2002. Rey Velasco
