MANILA, Philippines – Pinangangambahang patay na ang limang Pinoy na manlalayag na kabilang sa 39 na crew member ng Chinese fishing vessel na nawawala sa Indian Ocean.
Ayon kay Philippine Coast Guard spokesperson Rear Adm. Armand Balilo nitong Miyerkules, Mayo 24, walang nakitang anumang senyales ng mga nakaligtas ang multinational search and rescue team, matapos nilang galugarin ang 64,000 kilometro kwadrado ng karagatan.
Dahil dito, nagdesisyon na umano ang Chinese transport ministry na ituring na lamang na patay na ang limang Pinoy, 17 Chinese at 17 Indonesians na sakay ng barko. RNT/JGC
