MANILA, Philippines- Mula sa 177 kumuha ng master plumbers special professional licensure examination ay mahigit kalahati lamang ang nakapasa.
Ayon sa anunsyo ng Professional Regulation Commission o PRC, nasa 97 lamang ang mapalad na pumasa sa pagsusulit na ibinigay ng Philippines’ Board for Master Plumbers sa ilang lungsod sa Middle East at Singapore.
Sinabi ng PRC na isinagaawa ang pagsusulit noong Abril sa Abu Dhabi at Dubai sa United Arab Emirates; Al Ahmadi, Kuwait; Al-Khobar, Jeddah at Riyadh, Saudi Arabia; Doha, Qatar; Manama, Bahrain; at sa Singapore.
Nakakuha naman ng pinakamataas na score si
Edward Galera Cabutotan ng Saint Louis University na may 82.8% rating. Jocelyn Tabangcura-Domenden
