MANILA, Philippines – Walang nakikitang dahilan ang economic adviser ni dating Pangulong Rodrigo Duterte na dumalo sa congressional probe sa September 2023 drug bust sa Pampanga.
Si Yang, na ngayon ay nasa Dubai mula pa noong Mayo 12, ay nagbigay ng pahayag matapos siyang kastiguhin ng House Committee on Dangerous Drugs dahil sa paulit-ulit na hindi pagdalo sa mga pagdinig.
“I wish, however, to state that my presence is not necessary and is only intended to embarrass me, if not for someone’s political purposes. I have always denied being involved in drugs,” ayon sa abogado niyang si Raymund Fortun.
“If they have evidence against me, then that person or evidence should be presented during the hearings instead of wasting time with my denials,” dagdag pa nito.
Ang dating presidential adviser ay iniuugnay sa incorporator ng Empire 999 Realty Corp., na nagmamay-ari ng warehouse sa Mexico, Pampanga kung saan nasamsam ang mahigit P3 bilyon halaga ng shabu.
Nag-isyu ng show-cause order ang House dangerous drugs panel laban kay Yang noong Mayo dahil sa bigo nitong pagdalo sa pagdinig.
Dagdag pa, iniuugnay din ni Senador Risa Hontiveros si Yang sa illegal Philippine offshore gaming operators sa bansa na ngayon ay iniimbestigahan ng Mataas na Kapulungan.
“I have also stated under oath that I am not engaged in POGO activities,” pagtanggi naman ni Yang.
“For the same reason, if they have evidence against me, then that person or evidence should be represented during the hearings instead of wasting time with my denials.”
“I am a simple trader engaged in retail and wholesale of RTWs and dry goods in Davao. I have since tried to engage in real estate business with and on behalf of investors and other partners.” RNT/JGC
