MANILA, Philippines – Umabot sa 12,246 ang natangap na aplikasyon ng Supreme Court (SC) para sa 2024 Philippine Bar Examinations.
Ayon sa SC, ilalabas nito sa pamamagitan ng batch ang listahan ng mga unconditionally approved, conditionally approved, at mga tinanggihan na applicant.
Pinapayuhan ang lahat ng applicants na palaging tignan ang kanilang mga Bar Applicant Registration Information System and Tech Assistance (BARISTA) accounts upang malaman ang estado ng kanilang aplikasyon.
Samantala, isinasapinal na ng Korte Suprema ang
listahan ng magsisilbing Local Testing Centers (LTCs) sa Manila, Muntinlupa City, Pasay City, Quezon City at Taguig City sa National Capital Region. Baguio City at Naga City sa Luzon. Cebu City, Iloilo City at Tacloban City sa Visayas at
Cagayan de Oro City at Davao City sa Mindanao.
“Complete details of the LTCs, the General Guidelines for the Digital Modality of the 2024 Philippine Bar Examinations, and the schedules for registration with and downloading Examplify and taking Sample Exams will all be provided in Bar Bulletin No. 3, which will be released soon. After the release of Bar Bulletin No. 3, applicants will also be able to check their assigned LTCs in the BARISTA.”
Ang mga aplikante na hindi pa nakapagsumite ng kumpletong dokumento ay mayroon lamang hanggang October 15,2024 para iupload sa BARISTA at isumite sa Office of the Bar Confidant (OBC).
