MANILA, Philippines- Nakahanda ang Pilipinas na makipag-usap sa Vietnam sa claim nito para sa ‘extended continental seabed’ sa South China Sea na maaaring mag-overlap sa teritoryo nito.
Sinabi ng Department of Foreign Affairs (DFA) na habang pinagtitibay ang claim nito sa ‘extended continental shelf’ sa Western Palawan region, winika ng departamento na ito’y “ready to engage Vietnam on possible ways forward that would help achieve a mutually beneficial solution to South China Sea issues in accordance with international law, particularly UNCLOS.”
Ang UNCLOS, nangangahulugan ng United Nations Convention on the Law of the Sea, ay itinuturing bilang global constitution para sa mga karagatan na nilagdaan ng 162 bansa kabilang na ang Pilipinas at Vietnam.
“We acknowledge Vietnam’s right, as a coastal State like the Philippines, to submit information to establish the outer limits of their continental shelf beyond 200 nautical miles from the relevant and lawful baselines from which its territorial sea is measured, as provided for under UNCLOS,” ayon sa DFA.
Sa ulat, inihain ng Vietnam ang hinihinging impormasyon mahigit isang buwan na matapos hilingin ng gobyerno ng Pilipinas sa UN Commission on the Limits of the Continental Shelf na kilalanin ang extended undersea shelf nito sa South China Sea, malayo sa western Palawan province, kung saan mayroon itong ‘exclusive right to manage, explore at exploit resources.’
“Manila’s move, which rejects China’s massive claim over the contested resource-rich waters, is “consistent with its maritime entitlements under UNCLOS” as demonstrated by its Extended Continental Shelf submission made on June 15,” ayon sa DFA.
Iginiit naman ng Tsina ang “indisputable” at historical claim sa halos kabuuan ng South China Sea, kung saan ang ‘overlapping claims’ ang nagdulot ng mga gusot sa hanay ng claimants.
Sinabi ng Pilipinas na ang pagsusumite nito “does not prejudice discussions with relevant coastal states that may have legitimate extended continental shelf claims,” iniwang nakabukas ang pinto para sa negosasyon sa mga kalapit-bansa sa pagkakataong masagasaan ang claims ng mga ito.
Sa ilalim ng UNCLOS, ang coastal states ay maaaring mag-claim ng isang “Extended Continental Shelf” sa labas ng 200-nautical mile outer limit ng kanilang exclusive economic zone o hanggang 350 nautical miles (648 kilometers).
Kasunod ng pagsusumite ng Pilipinas, sinabi ng Vietnam na handa itong makipag-usap sa Pilipinas sa claim nito, sabay sabing ang mutual solution ay “beneficial for both countries.”
Samantala, sinabi ng Hanoi na ang Manila ay mayroong karapatan na maghain ng claim sa ilalim ng international law. Kris Jose
