MANILA, Philippines- Suspendido ang operasyon ng Pasig River Ferry Service ngayong Miyerkules dahil kay bagyong Carina at sa southwest monsoon, base sa Metropolitan Manila Development Authority (MMDA) nitong Miyerkules.
“Mataas din ang water level na dahilan para umangat ang pontoon sa mga istasyon,” saad sa abiso ng MMDA sa X (dating Twitter).
Base sa pinakabagong PAGASA bulletin, nananatili ang Signal No 2. sa Batanes habang umiiral ang Signal No. 1 sa Babuyan Islands, northern portion ng mainland Cagayan, at sa northern portion ng Ilocos Norte.
Sinuspinde naman ng Malacañang ang trabaho sa gobyerno at klase sa National Capital Region (NCR) ngayong araw.
Kinansela na rin ng maraming local government units ang klase dahil sa masamang panahon. RNT/SA
