MANILA, Philippines- Nahuli ang isang saltwater crocodile sa isang beach sa Boracay, base sa ulat nitong Huwebes.
Namataan umano ang buwaya sa Sinagpa Beach ng isla sa Station 1 nitong Huwebes ng umaga.
Nasagip ng Philippine Coast Guard ang buwaya bandang alas-3 ng hapon. Dinala ng PCG ang nasabing hayop sa Department of Environmental and Natural Resources shelter sa Malay.
Batay sa ulat, posibleng nawala ang buwaya dahil hindi ito “native” sa Boracay. RNT/SA
