Pagpopondo sa Navotas floodgate iniutos ni Romualdez

MANILA, Philippines – Inatasan ni House Speaker Martin Romualdez ang House Committee on Appropriations na agad pondohan ang pagsasaayos ng Tangos-Tanza Navigational Gate sa Navotas City na nasira noong Hunyo at syang naging dahilan ng naging malawakang pagbaha sa Metro Manila sa kasagsagan ng bagyong Carina.

“The recent typhoon exposed critical weaknesses in our infrastructure, and the damaged Navotas floodgate significantly worsened flooding in Metro Manila. Immediate action is essential,” pahayag ni Romualdez.

“We must immediately allocate the necessary funds to repair and reinforce the gate to withstand future typhoons and protect our communities,” giit pa nito.

Ang kautusan ni Romualdez kay Ako Bicol Party-list Rep. Elizaldy Co, chairman ng House Committee on Appropriations ay kasunod na rin ng ginawang inspeksyon ni Romualdez sa Tangos-Tanza Navigational Gate.

Una na din binigyang direktiba ni Pangulong Bongbong Marcos ang Metropolitan Manila Development Authority (MMDA) at Department of Public Works and Highways (DPWH) na paspasan ang pag-repair sa floodgate.

“The President has rightly pointed out the urgent need to fix the Navotas floodgate. We in the House will ensure the necessary funds are available without delay,” pagtiyak ni Romualdez.

Ang Navotas ay mayroong 81 pumping stations, subalit noong nakaraang buwan ay nasira ang floodgate ng isang barge.

“This damage allows seawater to enter communities during high tide, reducing the effectiveness of the pumping stations.In 2009, despite having only 24 Bombastik stations, we controlled flooding during Typhoon Ondoy,” paliwanag ni Navotas Rep. Toby Tiangco.

Sinabi ni Tiangco na nakikipag ugnayan na sila sa MMDA para sa legal action laban sa kumpanya na nakasira ng gate.

“We’re exploring legal options to hold those accountable for the floodgate damage,” ani Tiangco.

Batay sa MMDA na syang nag ooperate ng floodgate na ang full repair ay maaaring abutin hanggang Agosto. Gail Mendoza