HINDI na pinaporma ng Team US ang South Sudan sa kanilang laban sa Olympics upang tuluyan nang pumasok sa quarterfinal ngayong Miyerkules (Huwebes oras sa Pilipinas).
Kumpara sa una nilang paghaharap sa exhibition game kung saan muntik pang matalo ang Team USA, ngayon maagang humiwalay ang mga Amerikano at hindi pinayagan ang pagtatangka ng South Sudan para makabalik sa laro.
Nakuha ng USA Team ang 103-86 panalo para umusad sa quarterfinals ng 2024 Paris Olympics men’s basketball tournament sa Pierre Mauroy Stadium sa Lille, France .
Una nang tinalo at tinambakan ng Team USA ng 26-puntos ang Serbia na pinangungunahan ni Nikola Jokic sa kanilang opening game, na nagbibigay sa mga Amerikano ng average na spread ng panalo na 21.5 puntos sa unang dalawang laro upang ipikita na sila pa rin ang tunay na hari ng basketball sa mundo.
Habang sinimulan ni LeBron James ang sunud-sunod na shot sa unang bahagi 1st quarter upang pigilan ang South Sudan, pinalitan naman siya ng isa pang mabangis na player na si Kevin Durant.
Umiskor si Durant ng siyam na mabilis na puntos mula nang pumasok kapalit ni James, na nanguna sa isang 23-4 run para gawing ilagay sa 10-10 deadlock ang iskor patungo sa 33-14 na kalamangan sa unang bahagi ng second, isang lead na hindi nila kailanman naisuko sa kabila ng matinding laban na ipinakita ng South Sudan, lalo na sa ikalawang kalahati.
Sina Nuni Omot at Bul Kuol ang umaro sa second half upang makalapit ang South Sudan sa 11 puntos na kalamangan mula sa 22 na pagtambak ng Team USA sa ikalawang quarter.
Ngunit ang husay ng bench ng mga Amerikano ay mahirap lampasan, kung saan umiskor sina Bam Adebayo, Devin Booker at Derrick White sa ikalawang kalahati upang manatili ang Team USA sa ligtas na distansya.
Pinangunahan ni Adebayo ang mga Amerikano na may 18 puntos at pitong tabla habang nagdagdag si Durant ng 14 puntos.
Tumipa si James ng 12 puntos, pitong rebound at limang assist para sa Team USA na nag-flex ng kanilang malalim na talento, nang nakakuha sila ng 66 puntos mula sa bench kahit na hindi pinaglaro ang dating MVP na si Joel Embiid.
Makakasama ng Team USA ang host France, World Champions Germany at kapwa North American squad na Canada sa quarterfinals.
Nanguna si Omot para sa South Sudan na may 24 puntos, habang si Carlik Jones ay nagdagdag ng 18 puntos at pitong assist para sa South Sudanese side na nasa magandang posisyon pa rin upang ipagpatuloy ang kanilang mahiwagang pagtakbo sa world basketball kung mananalo kontra Sebia sa huling laro sa classification phase.
Ang isang panalo doon para sa South Sudan ay maglalagay sa kanila sa quarters.JC
