INILABAS ng Malakanyang ang listahan ng mga bagong itinalagang ambassadors at mga opisyal sa iba’t ibang ahensiya ng gobyerno.
Muling itinalaga ni Pangulong Ferdinand R. Marcos Jr. si Amable Aguiluz V bilang Special Envoy of the President to Japan for Trade and Investments, base sa roster ng pinakabagong batch ng presidential appointees na pinost ng Presidential Communications Office (PCO).
Si Aguiluz, founder at chairperson of AMA Group of Companies, unang nag-assumed ng kanyang diplomatic post noong April 2023.
Itinalaga naman ni Pangulong Marcos sina Daniel Espiritu bilang Philippine Ambassador to Ireland at Markus Lacanilao bilang Special Envoy on Transnational Crimes.
Itinalaga rin ng Pangulo sina Agnes Tolentino bilang National Economic and Development Authority (NEDA) assistant secretary; Marie France Tiatco bilang Department of Transportation (DOT) assistant secretary; at Richelieu Raymund Remandaban bilang assistant director general ng National Security Council. Kris Jose
