MWNILA, Philippines- Sinabi ng World Health Organization (WHO) na inaprubahan na ang paggamit ng kauna-unahang diagnostic test para sa mpox, ang susi laban ang outbreaks.
Mahigit 800 indibidwal ang nasawi sa buong Africa dahil sa mpox.
“The approval for emergency use of the test will be pivotal in expanding diagnostic capacity in countries facing mpox outbreaks, where the need for quick and accurate testing has risen sharply,” sabi ng World Health Organization (WHO) sa isang pahayag.
Ang pagsubok na tinatawag na Alinity m MPXV assay at ginawa ng Abbott Molecular Inc., ay nagbibigay-daan sa pagtuklas ng mpox virus mula sa mga pamunas na kinuha mula sa mga sugat ng tao.
Ang pag-apruba sa pagsubok ay kumakatawan sa isang makabuluhang milestone sa pagpapalawak ng testing availability sa mga apektadong bansa, ayon sa isang pahayag ni Yukiko Nakatani, isang assistant director-general ng WHO.
Ang Mpox, na dating kilala bilang monkeypox, ay sanhi ng isang virus na ipinadala sa mga tao ng mga nahawaang hayop ngunit maaari ding maipasa mula sa tao patungo sa tao sa pamamagitan ng malapit na pisikal na contact.
Nagdudulot ito ng lagnat, pananakit ng kalamnan at malalaking sugat sa balat na parang pigsa, at maaaring nakamamatay. Jocelyn Tabangcura-Domenden
