MANILA, Philippines- Binubusisi na ng Office of the Solicitor General ang nga dokumento na ipinasa ng House quad committee (quadcom) kaugnay sa mga Chinese nationals na sinasabing nakakuha ng pekeng accused Filipino citizenship oara iligal na makabili ng nga ari-arian at magka negosyo sa Pilipinas.
Sinabi ni Solicitor General Menardo Guevarra na agad pag-aaralan ng OSG ang mga dokumento at makikipag-ugnayan sa ibang ahensya ng pamahalaan para sa evidence gathering at case build-up.
“Once we have gathered sufficient evidence, we’ll commence the appropriate legal actions which may include civil forfeiture, reversion, escheat, cancellation of birth certificates, deportation, and criminal/administrative complaints,” ani Guevarra.
Ayon sa isa sa chairperson ng quadcom na si Surigao del Norte 2nd District Rep. Ace Barbers, dapat madaliin ng OSG ang pagrebyu para masimulan ang civil forfeiture proceedings para matiyak na matitigil ang pananamantala ng mga dayuhan at mabantayan ang national security.
Kabilang sa Chinese nationals na inaakusahan ay si Aedy Tai Yang na hinihinalang nameke ng dokumento para makakuha ng Filipino citizenship.
Kabilang sa mga isinumiteng dokumento laban kay Yang ay ang tax declarations sa mga properties na nakapangalan sa kanya at corporate records ng Empire 999 Realty Corporation at Sunflare Industrial Supply Corp. Teresa Tavares
