MANILA, Philippines- Hindi pinapayuhang ikansela ang biyahe ng mga Pilipinong balak pumunta sa South Korea, sa kabila ng maiksing deklarasyon ng martial law, ayon kay Foreign Affairs Undersecretary Eduardo de Vega.
Sa halip, hinikayat silang mag-ingat sa gitna ng political tension sa rehiyon.
“We wouldn’t advise them to cancel their trips, but we will tell them to be very circumspect and careful and take precautions, especially when they are abroad,” pahayag ni de Vega sa isang panayam nitong Miyerkules.
“There’s no war, that’s what’s important so we will just advise those traveling to take precaution if they want to push through with their trips,” dagdag niya.
Ayon kay de Vega, halos 68,000 Pilipino ang kasalukuyang nasa South Korea, karamihan sa kanila ay documented workers.
Dagdag ng opisyal, pinayuhan ng Philippine Embassy sa South Korea ang mga Pilipino na manatiling kalmado.
Nagreklara si South Korean President Yoon Suk Yeol ng “emergency martial law” nitong Martes, kung saan inakusahan ang oposisyon ng pagkontrol sa parlyamento, pagsuporta sa North Korea, at pagparalisa sa pamahalaan sa anti-state activities.
Kinalos ang martial law order ilang oras matapos itong pairalin kasunod ng oposisyon ng South Korean parliament. RNT/SA
