MANILA, Philippines – Ipinagharap sa Department of Justice ng reklamong cyber libel ang ilang personalidad at vlogger na nasa likod umano ng paglabas ng video ng dating state witness ng Senado na si Michael Murillo alyas Rene.
Personal na inihain sa DOJ ni Hontiveros ang kasong paglabag sa Article 355 ng revised penal code kaugnay ng Republic Act Number 10175 o Cybercrime Prevention Act of 2012.
Kabilang sa mga inireklamo sy sina Atty Ferdinand Topacio, Eric Celis, Jay Sonza, Byron Cristobal alyas Banat By, Krizette Chu, Alex Destor alyas Tio Moreno at Michael Maurillo alias Rene.
Magugunita na si Murillo ang nagsabing sinuhulan umano siya ni Hontiveros para tumestigo laban kay Pastor Apollo Quiboloy.
Nilinaw naman ng senador na magkaiba ang isinampa niyang reklamo sa NBI.
Iginiit din ni Hontiveros na ang freedom of expression ay may kaakibat na responsibilidad na hindi dapat inaabuso. TERESA TAVARES
