MANILA, Philippines – Magpapatuloy ang Southwest Monsoon o Habagat sa pagdadala ng mga pag-ulan sa ilang bahagi ng bansa ngayong Biyernes, ayon sa PAGASA.
Alas-2 ng madaling araw, namataan ang isang low pressure area (LPA) sa labas ng Philippine Area of Responsibility (PAR) na may mataas na tsansang maging tropical depression sa loob ng 24 oras. Isa pang LPA ay nananatili sa labas ng PAR at mababa ang posibilidad na lumakas muli.
Asahan ang paminsang pag-ulan sa Western Visayas, Negros Island Region, Palawan, at Occidental Mindoro dahil sa Habagat, na posibleng magdulot ng pagbaha at pagguho ng lupa.
Maaari ring makaranas ng kalat-kalat na pag-ulan at thunderstorms ang Metro Manila, nalalabing bahagi ng Visayas at Mindanao, pati na ang Batanes, Babuyan Islands, Zambales, Bataan, Cavite, at Batangas.
Sa natitirang bahagi ng Luzon, bahagyang maulap hanggang maulap ang kalangitan na may pulupot-pulot na pag-ulan. Katamtaman hanggang malakas ang ihip ng hangin sa hilaga at kanlurang Luzon, habang banayad hanggang katamtaman naman sa iba pang bahagi ng bansa. RNT
