MANILA, Philippines – Nasa 167,000 customer ng Manila Electric Company (Meralco) ang apektado ng power outages partikular na ang mga nasa lugar na may mga naitalang pagbaha dahil sa malalakas na ulan dala ng Southwest Monsoon o Habagat.
Sa abiso, sinabi ng Meralco na karamihan sa mga apektadong customer ay mula sa Metro Manila, Bulacan, at Cavite, habang ang iba ay mula sa Rizal, Laguna, Batangas, at Quezon hanggang nitong Martes ng umaga, Hulyo 22.
Nasa 98% o mahigit 163,000 ang matatagpuan sa flooded areas.
Ayon sa Meralco, nasa 11,000 customer ang apektado ng pagkawala ng suplay ng kuryente tanghali pa lamang ng Lunes.
“We ask our customers for patience and understanding as heavy floods have triggered disruptions in power services,” pahayag ni Meralco vice president Joe Zaldarriaga.
“Rest assured that the safety of our customers and line crews is our top priority and we will immediately restore power in the affected areas once the floodwaters recede and it is safe to do so,” dagdag pa niya. RNT/JGC
