Sinimulan nitong Huwebes, Hulyo 24, ni Philippine National Police (PNP) Chief Gen. Nicolas Torre III ang pagsasanay para sa kanyang boxing match laban kay acting Davao City Mayor Sebastian “Baste” Duterte.
Sinabi ni Torre na nakatakda na ang Rizal Memorial Coliseum sa Malate, Manila para sa kanyang boxing match laban kay “Baste” Duterte.
“The Rizal Memorial Coliseum is already set. A ring is already being set up there for Sunday,” saad ni Torre.
Sa pagitan ng kanyang mga set at sparring session, sinabi ni PNP Chief Gen. Nicolas Torre III sa mga mamamahayag sa Camp Crame, “We are ready anytime.”
Ibinahagi ng 54-anyos na PNP chief na naglaro siya ng ilang sports noong panahon niya bilang kadete.
“We refreshed ourselves a bit on what we used to,” sabi niya.
Sa podcast ni Mayor Duterte noong Linggo, hinamon nito si Torre ng suntukan.
Tinanggap ni Torre ang hamon at iminungkahi na gawin itong isang charity boxing match para sa mga biktima ng habagat.
And if Duterte doesn’t show up? ayon sa PNP chief, “It’s up to him. Whether he shows up or not, we already have sponsors who said they were donating relief goods for those affected by the heavy rain and the flood.”
Si Torre ay nagsisilbing direktor ng Criminal Investigation and Detection Group nang pangunahan niya ang pag-aresto sa ama ni Mayor Duterte na si dating Pangulong Rodrigo Duterte, noong Marso. RNT/MND
