MANILA, Philippines – Sinabi ni Senate President Francis Escudero nitong Lunes, Agosto 25 na pinirmahan na niya ang mga subpoena para sa flood control project contractors para obligahing dumalo sa susunod na pagdinig ng Senate Blue Ribbon Committee investigation sa naturang isyu.
Ayon kay Escudero, pinirmahan na niya ang lahat ng subpoena requests ng Blue Ribbon Committee noong nakaraang linggo para sa lahat ng mga contractor.
Ang mga sumusunod na indibidwal ay inisyuhan ng subpoena:
• Mr. Luisito R. Tiqui, Pangulo ng L.R. Tiqui Builders, Inc.
• Ms. Cezarah C. Discaya, Pangulo ng Alpha and Omega Gen. Contractor & Development Corporation
• Mr. Lawrence R. Lubiano, Pangulo ng Centerways Construction and Development Inc.
• Mr. Edgar S. Acosta, Pangulo ng Hi-Tone Construction & Development Corp.
• Ms. Marjorie O. Samidan, authorized managing officer ng MG Samidan Construction
• Mr. Romeo C. Miranda, Pangulo ng Royal Crown Monarch Construction & Supplies Corp.
• Ms. Ma. Roma Angeline D. Rimando. Pangulo ng St. Timothy Construction Corporation
• Ms. Aderma Angelie D. Alcazar, President/CEO ng Sunwest, Inc.
• Mr. Eumir S. Villanueva, Pangulo ng Topnotch Catalyst Builders Inc.
• Mr. Mark Allan V. Arevalo, General Manager ng Wawao Builders
Noong Martes, itinulak ni Senate President Pro Tempore Jinggoy Estrada ang pag-iisyu ng subpoena sa lahat ng mga contractor na hindi dumalo sa unang pagdinig.
Ani Estrada, ipaaaresto niya ang mga kontratista na hindi magpapakita at magbibigay ng hindi katanggap-tanggap na dahilan.
Sa pagdinig noong nakaraang linggo, napag-alaman na 11 ang tumugon sa imbitasyon ngunit pito lamang ang nagpakita sa hearing. RNT/JGC
