SURIGAO DEL NORTE, Philippines – Isang magnitude 4.9 na lindol ang tumama sa Surigao del Norte nitong Sabado ng umaga, Oktubre 4, iniulat ng Philippine Institute of Volcanology and Seismology (Phivolcs).
Sa kanilang Earthquake Information No. 1, sinabi ng Phivolcs na naganap ang pagyanig dakong 7:42 a.m.
Sinabi ng ahensya na ang epicenter nito ay nasa 73 kilometro hilagang-silangan ng Burgos, Surigao del Norte.
Ang lindol, na tectonic ang pinagmulan, ay may lalim na 10 kilometro, aniya.
Sinabi ng Phivolcs na walang inaasahang pinsala at aftershocks mula sa lindol. RNT/MND
