MANILA, Philippines – Niyanig ng magnitude 5.1 na lindol ang Botolan, Zambales alas-5:32 ng hapon nitong Sabado, ayon sa Philippine Institute of Volcanology and Seismology (Phivolcs).
Ang tectonic na lindol, na may lalim na 102 kilometro, ay naramdaman sa Intensity III sa Botolan at Cabangan, Intensity II sa Maynila at Marikina, at Intensity I sa Lingayen, Pangasinan.
Naramdaman din ang pagyanig sa Bulacan, La Union, Nueva Ecija, at Tarlac. Ayon sa Phivolcs, inaasahan pa ang mga aftershock. RNT
