MANILA, Philippines – Tiniyak ni Department of Justice (DOJ) Officer-in-Charge Undersecretary Fredderick A. Vida na maghahain ng angkop na kaso sa mga iniimbestigahan sa maanomalyang flood control projects, ito man ay mayroon o walang state witness.
Sa kauna-unahang press briefing ni Usec. Vida, kapag hindi nila nakitaan ng kasiya-siya o ‘satisfactory’ ay agad silang maghahain ng kaso.
Nang tanungin kung may timeline ang justice deparment sa mga indibidwal na iniibestigahan kaugnay sa flood control project, sinabi ni Vida na naka-set na ang timeline.
“The timeline is already set. If we dont find that isa something satisfactory, we will file the appropriate cases with or without state witnesses.”
“We will built the cases base on the evidence we have — but we can assure the Filipino people is that, we will only file the strong cases,” anang officer-in-charge ng justice department.
Asahan aniya na sa susunod na mga linggo ay maisasampa na ang mga kaso laban sa mga sangkot sa flood control projects.
Sinabi naman ni Prosecutor General Richard Fadullon na hindi naman kailangan na hintayin kung hanggang kailan sila maaring magbigay ng kanilang salaysay o ang sinasabi ng kanilang abogado na “tell all”.
“Depending on the number of cases that will be filed –we will also determine whether or not they will be qualified for state witess status on that cases,” dagdag pa ni Fadullon
Hindi naman binanggit kung anong mga kaso ang maaring maisampa dahil posible umanong mapaghandaan ito ng mga abogado ng kalaban o nang mga inaakusahan. Jocelyn Tabangcura-Domenden
