MANILA, Philippines – Hiniling ni Ombudsman Jesus Crispin “Boying” Remulla sa 204 bagong empleyado ng Office of the Ombudsman na magsumite ng courtesy resignation at muling mag-apply sa kanilang mga posisyon.
“May mga admissions into the Ombudsman’s office, mga hiring, and unfortunately, last July, there were 204 new hires in the Office of the Ombudsman. I will ask these 204 people to reapply kasi may six-month probationary period,” sabi ni Remulla.
Paliwanag niya, layunin nito na hindi maituring ang mga ito bilang “midnight appointees” at upang masuri nang maayos ang kanilang kakayahan sa ilalim ng kanyang pamumuno. “You don’t want to be arriving in a place, tapos lahat ng empty seats na in-expect mo…na-filled up na bigla. Hindi naman dapat ganun,” dagdag niya.
Saklaw ng 204 empleyado ang iba’t ibang posisyon, at nakikipag-ugnayan si Remulla sa Civil Service Commission para sa tamang pagsusuri. Santi Celario
