MANILA, Philippines – Inanunsyo ng Land Transportation Franchising and Regulatory Board (LTFRB) nitong Martes na ang public consultation sa fare hike petitions para sa mga public utility vehicles (PUVs) ay inilipat sa Nobyembre 12, kasunod ng suspensyon ng trabaho sa gobyerno dahil sa Super Typhoon Uwan.
Layunin ng konsultasyon na ipaliwanag ang batayan ng mungkahing pagtaas ng pamasahe, mangalap ng opinyon mula sa mga stakeholder, at tiyakin ang transparency sa proseso ng pagpapasya.
Hinihikayat ang mga pasahero, operator, drayber, media, at publiko na lumahok.
Iniutos din ni LTFRB Chair Vigor Mendoza II sa mga regional director na magsagawa ng lokal na konsultasyon at isumite ang resulta bago ang Nobyembre 14.
Bahagi ito ng pagsisikap na pagsamahin ang mahigit 37,000 na petisyon at mosyon hinggil sa pagtaas ng pamasahe. Santi Celario
