MANILA, Philippines – Handang isailalim sa Witness Protection Program ng Department of Justice si dating Ako Bicol Party-list Representative Zaldy Co, ayon kay Justice Spokesperson Atty. Polo Martinez.
Sinabi ni Atty. Martinez na maaaring magsumite ng aplikasyon si Zaldy Co sa DOJ upang mailagay sa naturang programa.
“Nothing prevents him from doing so if he wishes to apply. Wala pong prohibition if he does wish to file an application. But again, as with all other individuals who have filed applications with the WPP on a voluntary basis, we will have to assess whatever the contents of his testimony is, the authenticity of the same, and veracity of his claims,” ani Justice Spokesperson Atty. Polo Martinez.
Pero giit ni Atty. Martirez, kailangan munang bumalik ni Co sa Pilipinas para personal na isumite ang kanyang aplikasyon sa programa kung sakali man.
Samantala, walang motu propio power ang Department of Justice (DOJ) patungkol sa mga isiniwalat ni dating Ako Bicol Party-list Zaldy Co sa kanyang video na ipinost sa kanyang social media account, ayon kay Martinez.
“Walang motu propi to admit evidence submitted especially with new quantum of evidence na mas mataas,” ani Atty. Martinez.
Pero aniya, pwede naman itong gamitin kung sakaling may gumamit rito bilang ebidensya sa pagsasampa ng kaso sa DOJ.
Nilinaw din ni Atty. Martinez na hindi pwedeng pwersahin na mapauwi ng Pilipinas si Co dahil wala pa siyang kaso bagamat may koordinasyon ang gobyerno sa International Police Organziation patungkol sa dating mambabatas.
Dumating naman sa DOJ ang Philippine Competition Commission upang magsampa ng hiwalay na reklamo sa bid rigging sa ilang kontrata sa unang distrito ng Bulacan. Jocelyn Tabangcura-Domenden
