CAVITE, Philippines – Swak sa kulungan ang tatlong katao na nasa listahan ng Most Wanted Person (MWP) nang naaresto ng Cavite Police sa magkakahiwalay na lugar sa lalawigan ng Cavite.
Ayon ng report, kinilala ang mga naaresto na si alyas Bryan, MWP na nasa listahan ng Rank No. 9 Provinvial Level ng Camarines Sur PPO at Rank No 1 ng Tigaon MPs, CSPO, PRO 5; alyas Andre, MWP Provincial Level; at alyas Rocky MWP City Level.
Inaresto si alyas Bryan, bandang alas-8:30 ng umaga ng mga operatiba ng Gen Trias City Cavite Warrant section kasama ang Tigaon MPS dahil sa kasong paglabag sa Section 5 at 11 ng R.A. 9165 na inisyu ni Hon. Randi Aquino Gobot, Presiding Judge, Regional Trial Court, Fifth Judicial Region, Branch 30 San Jose Camarines Sur.
Bandang alas-6:06 ng gabi, inihain naman ang warrant of arrest sa loob ng BJMP, Brgy. Molino 2, Bacoor City, Cavite ng mga operatiba ng Warrant Section ng Bacoor City Police laban kay alyas Andre dahil sa kasong paglabag ng Sec 5 & 11 Article ll ng 9165 na inysu ni Hon Arnel G. Espiritu Presiding Judge ng RTC Br.110, Bacoor City, Cavite na kasalukuyang inilipat sa Bacoor Custodial Center ng nasabing lungsod.
Samantala, inaresto naman si alyas Rocky bandang alas-6:50 ng gabi sa Brgy Santiago Gen Trias City Cavite ng personnel ng Warrant Section sa dahil sa kasong Qualified Theft na inisyu ni Hon. Elmer Joseph R. Guerzon, Presiding Judge, Regional Trial Court, National Capital Judicial Region, Branch 114, Pasay City.
Nabatid na may nirekomendang P40,000.00 piyansa ang korte para sa pansamantang paglaya ni alyas Rocky. MARGIE BAUTISTA
