MANILA, Philippines – Walang dapat itagong impormasyon ang sinumang nagnanais na maging state witness sa flood control scandal, ayon kay Ombudsman Jesus Crispin Remulla nitong Martes, Pebrero 10.
“There are a lot of those who want to be state witnesses, but I am telling my team, pag hindi forthcoming ang testigo, we will not honor. We will not honor any immunity pag hindi forthcoming ang testigo,” sinabi ni Remulla sa press briefing sa Baguio City.
“Kinakailangan talaga, forthcoming ang testigo. Pag meron silang iniiwasan ang topic o subject, magbabago lahat “yan,” dagdag ni Remulla.
“A lot of people want to be state witnesses, but we need to develop them one by one. Kasi nga, ang problema nito, ang tao iniisip, ang politics. ‘Yung political for the next few years iniisip nila, ah, bagong gobyerno, libre na kami.”
“Hindi po ganun ‘yan. Tuloy-tuloy po,” pagpapatuloy pa nito.
Sa ngayon ay mayroong dalawang pending na flood control related-cases sa Sandiganbayan.
Ito ay ang malversation at graft charges na inihain laban kina resigned Ako Bicol Party-list Rep. Elizaldy Co at 16 iba pa kaugnay sa P289 milyong substandard flood control project sa Naujan, Oriental Mindoro, at malversation at graft charges na inihain laban kay ex-Senator Ramon “Bong” Revilla Jr. at iba pa kaugnay sa umano’y P92.8 milyong ghost flood control project sa Pandi, Bulacan. RNT/JGC
