MANILA, Philippines – Iniulat ng Department of the Interior and Local Government (DILG) na umabot sa 98 porsyento ang call handling efficiency ng Unified 911 emergency hotline noong 2025.
Sa isang forum, sinabi ni Emergency 911 National Office Executive Director Francis Fajardo na nakatatanggap ang 911 system ng hanggang 500 tawag araw-araw kaugnay ng violence against women and children (VAWC), na nagpapakita ng lumalaking papel nito sa pagtugon sa ganitong mga kaso.
“As of last year, we have yearly recorded calls. What we received there were almost 5,000 cases before the launching. That is still quite low, we observed,” ani Fajardo.
Inilunsad ang Unified 911 upang pagsamahin ang iba’t ibang emergency hotlines sa iisang centralized platform. Bago ito na-modernize, tinatayang 40 hanggang 48 porsyento lamang ng mga tawag ang maayos na natatanggap at natutugunan.
“When our 911 system was not yet modernized, our efficiency was actually around 40 to 48 percent. After the launch in the last quarter of 2025, our call efficiency went up to 98 percent. We are now able to receive almost all calls after the launch of our 911 system,” dagdag niya.
Sa kasalukuyan, humahawak na ang 911 system ng humigit-kumulang 30,000 emergency calls kada araw sa buong bansa. Ang mga kaso ng patuloy na pisikal na pang-aabuso ay agad na ipinapasa sa pulisya para sa agarang aksyon, habang ang mga hindi agarang kaso ay iniendorso sa barangay VAWC desks.
Ayon sa National Barangay Operations Office (NBOO) ng DILG, halos lahat ng barangay sa bansa ay mayroon nang functional VAWC desks.
Sinabi ni NBOO assistant division chief Lovesita Daumar na 97 porsyento o 40,831 barangay ang nakasunod sa limang compliance indicators para sa VAWC desks.
“Our barangay VAWC officers have been installed here, and they should be trained so that they know what to do because they will provide the initial response for the victims of violence against women and children,” paliwanag ni Daumar. RNT/MND
