MANILA, Philippines – Matapos masibak sa round of 16 ng Miami Open, naghahanda na ngayong si Pinay tennis star Alex Eala para susunod na torneo na kanyang lalahukan sa Abril.
Sasabak si Eala sa clay court na 2026 Upper Austria Ladies Linz Open na isa sa paborito nitong kumpetisyon.
Magaganap ang torneo mula Abril 6 hanggang 12 at ito ay lalaruin sa indoor clay court ng Design Center Linz.
Nakalista ang 20-anyos na si Eala sa WTA 500 tournament kasama ang ilang mga mabibigat na pangalan sa tennis gaya nina defending champion katerina Alexandrova, Clara Tauson, Emma Raducanu, Emma Navarro, Jelena Ostapenko, at Sorana Cirstea. JC
