MANILA, Philippines – Binatikos at tinawag ni Agot Isidor ang 13 senador na bumoto para patalsikin si Senate President Vicente “Tito” Sotto III at ipalit si Senador Alan Peter Cayetano bilang “13 Satanas sa Senado.”
“I have ducking NO respect for these 13 hooligans who call themselves Senators of the Philippines. DUCK YOU,” ani Isidro.
Sa hiwalay na post, sinita rin ng aktres si Cayetano sa paggamit ng Bible verse kasabay ng pagpapalit ng liderato.
“APC, can you please stop uttering Bible verses kasi sure ako, hindi natutuwa si God sa’yo. #13SatanasSaSenado,” ani Isidro.
Ang mga senador na bumoto para kay Cayetano ay sina Senador Ronald “Bato” dela Rosa, Francis Escudero, Joel Villanueva, Imee Marcos, Rodante Marcoleta, Robin Padilla, Christopher “Bong” Go, Jinggoy Estrada, Pia Cayetano, Loren Legarda, Mark Villar, at Camille Villar kasama si Alan Cayetano.
Matapos ang anim na buwang pagtatago ay lumutang din si Dela Rosa nitong Lunes, Mayo 11 kasabay ng botohan sa pagpapalit ng liderato.
Samantala, ang mga senador naman na bumoto kay Sotto para manatiling Senate President ay sina Senador Panfilo Lacson, Francis Pangilinan, Risa Hontiveros, Bam Aquino, Raffy Tulfo, Erwin Tulfo, Sherwin Gatchalian, at Lito Lapid.
Itinanggi naman ni Cayetano na ang pagpapalit ng liderato ng Senado ay may kaugnayan sa papalapit na impeachment proceedings laban kay Vice President Sara Duterte. RNT/JGC
