DUMAGUETE CITY, Negros Oriental — Nagsagawa ng online classes sa Silliman University ngayong Martes, Hulyo 7, 2026, matapos makatanggap ng security threat ang pamunuan ng unibersidad.
Ayon sa unibersidad, ang mga klase sa lahat ng antas ay gagawin online, maaaring synchronous o asynchronous, depende sa pasya ng mga instructor.
“Classes at all levels shall be conducted online, either synchronously or asynchronously, at the discretion of the respective instructors. Students are advised to monitor their official university email and learning management system for instructions from their teachers,” pahayag ng paaralan.
Kinumpirma ng mga opisyal ng Silliman University na natanggap ang security threat noong Lunes, Hulyo 6, 2026. Iniulat na ipinadala ang banta sa pamamagitan ng email at kumalat din sa mga message group.
Sinabi ng unibersidad na ang campus security, sa pakikipag-ugnayan sa mga awtoridad, ay “continues to conduct security inspections of campus premises to ensure the safety and well-being of the University community.”
Nagbabala rin ang Silliman University laban sa memorandum na umano’y nilagdaan ni Dr. Arthur Pendleton at kumalat sa social media, matapos sabihin ng paaralan na peke ito at hindi nagmula sa unibersidad.
“We strongly urge the Silliman University community to rely only on the University’s official communication channels for verified announcements and updates. Information shared through unofficial sources may be inaccurate or misleading and can cause unnecessary confusion and alarm,” ayon sa paaralan.
“We likewise appeal to everyone to exercise discernment and responsibility when sharing information online. Please refrain from creating, forwarding, or circulating unverified or false information, and help prevent the spread of misinformation by verifying its authenticity before sharing.” RNT
