MANILA, Philippines – Kinuwestiyon ni Senator-judge Christopher Lawrence “Bong” Go ang kakayahang pagkatiwalaan ng National Bureau of Investigation (NBI) ang affidavits na kinalap sa interview ng journalist na nag-cover ng press conference ni Vice President Sara Duterte.
Sa ika-limang araw ng impeachment trial, tinanong ni Go kung paano matitiyak ng imbestigador kung kumakatawan ang pahayag ni NBI Regional Director Atty. Jeremy Lotoc sa statement ng mga journalist hinggil sa sinasabing pagbabanta laban kay Pangulong Ferdinand Marcos Jr.
Pinuna ni Go sa ginanap na cross examination kay Lotoc na ginawa ang affidavit mula sa statement ng NBI agents, hindi ng mga journalist mismo at tinanong siya kung puwedeng ikonsiderang secondhand ang naturang accounts ng journalist.
Kinuwestiyon din ni Go kung paano matitiyak ng NBI na hindi idinagdag lamang ang affidavits, nakalimutan o misinterpreted sa written affidavits ng mga ahente.
“Wouldn’t that be considered a secondhand account? How can you ensure the information was interpreted accurately? If it is based on a secondhand account, how can you be certain nothing was added, omitted, or misinterpreted between what the journalists actually said and what was written in your affidavit?” ayon kay Go.
Sa kanyang panig, pinatotohanan naman ni Lotoc ang press conference video mula sa simula hanggang dulo at inihanda ang transcript ng nilalaman nito upang maberipika ang katotohanan ng pahayag ni Duterte.
“The investigation also relied on a November 26, 2024 video in which the Vice President allegedly reiterated the statement, which the NBI considered an admission against interest,” ayon kay Lotoc. Ernie Reyes
