MANILA, Philippines – Sinabi ng Kremlin nitong Lunes, Hulyo 20 na bukas ito sa pagkikita nina U.S. Secretary of State Marco Rubio at Russian Foreign Minister Sergei Lavrov sa Manila kung saan nagtitipon ang mga miyembro ng Association of Southeast Asian Nations.
Si Rubio ay nasa Manila mula Hulyo 19 hanggang 23 at sinabing handa rin niyang makita at makaharap si Lavrov sa sidelines ng ASEAN-related events ngunit hindi pa sigurado kung maisasapinal ang naturang meeting.
Nang tanungin tungkol sa posibilidad ng naturang pagpupulong, sinabi ni Kremlin spokesman Dmitry Peskov na nagpahiwatig ang Moscow na pabor ito sa pagpupulong ng dalawang top diplomats.
“Contacts through the ministries of foreign affairs and diplomatic channels are of course largely of a technical nature, but if there were to be contact at the level of foreign ministers, we would certainly welcome it,” sinabi ni Peskov.
Sinabi ni Maria Zakharova, spokeswoman para sa Russian Foreign Ministry, na pinagsisikapan ng mga opisyal ang paglalatag ng posibleng meeting sa pagitan nina Lavrov at Rubio sa sidelines ng ASEAN events. RNT/JGC
