MANILA, Philippines – Nagbabala ang PAGASA na makararanas ng katamtaman hanggang malakas na ulan ang ilang bahagi ng Luzon nitong Martes ng hapon dahil sa habagat.
Ayon sa weather bulletin alas-12:30 ng tanghali, inaasahang makakaranas ng malalakas na ulan, pagkidlat at malalakas na hangin sa loob ng dalawang oras ang:
-Laguna
-Nueva Ecija
-Bulacan
-Rizal
Samantala, nakararanas na ng malakas hanggang matinding ulan at thunderstorms ang Quezon, na maaaring magpatuloy sa loob ng dalawang oras at makaapekto rin sa mga karatig-lugar.
Nauna nang sinabi ng PAGASA na posible ring makaranas ng pag-ulan at thunderstorms ang Metro Manila at iba pang bahagi ng bansa sa hapon dahil sa habagat. RNT/MDS
