BATAAN, Philippines – Arestado ang isang lalaki na nagbenta umano ng isang rare species na uri ng “Sawa”, sa ikinasang entrapment operation Department of Environment and Natural Resources (DENR) at PNP sa Roman Expressway Barangay San Pedro, Hermosa.
Sa ulat, magkasanib puwersa ang DENR, Hermosa Municipal Police Station at Maritime Police sa ikinasang entrapment operation kung saan nadakip ang suspek.
Nabawi sa suspek at nasagip ng mga awtoridad ang isang 83-Centimeter Ball Phyton (Phyton Regius) na tinangka umano nitong ibenta sa undercover police.
Nasa kustodiya na nang pulisya ang naarestong suspek na mahaharap sa Republic Act 9147 o Wildlife Resources Conservation and Protection Act at paglabag sa Cybercrime Prevention Act of 2012, dahil sa iligal na pagbiyahe at pagbebenta sa online ng nasabing exotic snake. (ROEL TARAYAO)
