MANILA, Philippines – Mistulang kinastigo ni private prosecution Lorna Kapunan ang isa sa defense team ni Vice President Sara Duterte sa ginanap na impeachment trial sanhi ng ilang “misleading question” nito sa opisyal ng Commission on Audit (COA) hinggil sa paglulustay ng confidential funds.
Sa pagpapatuloy ng impeachment trial, uminit ang argumento sa pagitan ni Kapunan at Defesne counsel Kristine Ferrer dahil palaging nagbibigay ito ng “misleading question” kaya palaging tinutulan ng prosecution.
Kaya’t sa isang punto, nakapagsalita si Kapunan na kung maaari lamang nitong sampalin si Ferrer, pero pinipigilan ang sarili.
Naganap ang mainit na argumento sa cross-examination kay Commission on Audit Intelligence and Confidential Funds Audit Office (COA-ICFAO) state auditor Xylene del Campo sa 15th araw ng impeachment trial.
Sa ginanap na cross-examination, hiniling ni Kapunan kay court presiding officer at Senator-judge Francis “Chiz” Escudero na pagsabihan si Ferrer na huwag sumabat o pigilan ang testigo sa gitna ng kanyang paliwanag sa tanong ng depensa.
Ngunit, sa halip na tumigil, hiniling ni Ferrer kay Escudero na pasagutin ang testigo ng COA ng oo o hindi at pinaalalahanan si Kapunan na may sarili itong panahon na magbigay ng clarificatory question sa redirect na tinabla ni Kapunan sa pagsasabing na hindi lahat ng tanong ay maaaring sagutin nang dalawahan.
“Never mind if you’re on cross; there are limits to cross-examination. Misleading questions are not allowed in cross. I don’t think I need to lecture you [on] that,” ayon kay Kapunan.
“They are allowed,” giit ni Ferrer.
Sa puntong ito, sinubukan ni Escudero na resolbahan ang sigalot sa pagsasabi sa kapwa abogado na wag payagan ang “seeming generational divide” na “increase the tension in the courtroom.”
Pero, iginiit ni Kapunan na pinipigilan lamang niya ang sarili na sampalin si Ferrer.
“Your honor, please. I am preventing myself from giving her a spanking, your honor. That is what I have done in the generational divide,” pabirong tugon ni Kapunan kaya nagtawanan sa korte.
Dahil dito, pinaalalahanan ni Escudero si Kapunan at Ferer na kapwa sila miyembro ng bar at dapat tratuhin ang isa’t-isa nang pantay sa impeachment court na kung saan pumayag ang dalawa at nangako si Kapunan na maging behave.
Para sa kanya, inihayag naman ni Ferrer na pinupuri niya si Kapunan dahil mataas ang kanyang paigtingin sa private prosecutor at idolo pa nya ito.
Kaya’t pinigilan sila ni Escudero sa gitna ng pagsasalita.
“Let’s end here; it might sound like a eulogy, Your Honor. I’m still very much alive,” ayon kay Kapunan.
Nakiusap din si Ferrer na wag hadlangan ang kanyang cross examination sa testigo.
“Kahapon nga hindi ko siya kinukulit ‘di ba, kahit may mga questions na leading hindi naman allowed ‘yun sa direct examination. I respected her,” ayon kay Ferrer. Ernie Reyes
