MANILA, Philippines – Sinabi ng Civil Aviation Authority of the Philippines (CAAP) nitong Miyerkules, Agosto 12 na ang pagbabalik ng commercial flights sa Romblon Airport ay magpapalakas ng regional air connectivity.
Ang boutique airline na Sunlight Air ay nagsimula na ng twice-weekly flights nito patungong Tablas, Romblon mula sa Clark International Airport nitong Agosto 11.
Ito ay lumilipad tuwing Martes at Sabado.
Ayon kay CAAP spokesperson Eric Apolonio, nahinto ang mga serbisyo mula at patungo sa Romblon noong nakaraang taon.
Samantala, sinabi ng CAAP na ang lahat ng kinakailangang operational, safety, at security preparations ay naisagawa na para sa maayos na flight.
“CAAP will continue to work with our airline partners and stakeholders to make connectivity safer, more efficient, and more accessible to the Filipino people,” pahayag ni CAAP Director General Raul Del Rosario. RNT/JGC
